kumbaworld
Avançam sul bon camin
Martí (Occitània), Claudi
Tu quas decidit d'escriure,
De dire o de cantar
Ton país en occitan,
Cubrís-te : vent freg de censura
Totes ensems van bufar
Mandarins de la riba gaucha
E pétainistas barrejats !
Avanças pel bon camin,
Escota jaupar la clica
D'aqueles qu'an pas jamai
Volgut dintrar dins la luta !

A l'abric de lors idèas
Compradas amb lors libres
Intellectuals mosits
Balhaires de grands principis !
Mèstre d'escòla publica,
Tu que n'as pro d'escanar
Ton país dins sos enfants,
Ara te lèvas e dises :
" Cal ensenhar la vertat !
Crebar la messorga d'Estat ! "
Avanças pel bon camin,
Escota jaupar la tropa
D'aqueles qu'an pas jamai
Volgut dintrar dins la luta
Rosegaires de papièrs
Afartats de circulàrias
Vos sentiretz plan leugièrs
Dins lo punh fòrt de l'istòria !
Ma cançon es testimòni
L'autre temps arribarà,
Paures òmes del passat !
E tu, vinhairon de l'Aude,
Tu, minaire de Caramauç,
Lip e larzac, vosaus mos faires,
Inventats l'òme de deman !
Avanças pel bon camin,
Escota jaupar la tropa
D'aqueles qu'an pas jamai
Volgut dintrar dins la luta