kumbaworld
Los comandos de la nuèit
Martí (Occitània), Claudi
Siam en patz e nos cal faire guèrra
Anam partir a miejanuèit
Totara darrièr la barrièra
Nos traparem a dètz o uèit...
Sabèm plan que sus d´autras rotas
Marcham los del Minerbés
Carcassés e Corbièras totas :
Siam los comandos de la nuèit.
Ara que la lei nos escana
Defendèm nostres enfants
Cramaran sus la nacionala
Los camions dels traficants.
Avèm pas agut paur del tigre
L´annada del 1907
Nos fotèm coma d´una figa
De las menaças de Ponia...
Lengadòc, se los que trabalhan
Un jorn se prenon per la man
De segur que dins la borrasca
Quicòm de tot nòu lusirà...
En atendent, sus d´autras rotas
Marchan los del Menerbés
Carcassés e Corbièra tota
Siam los comandos de la nuèit